Transcription
1
Monseigneur, quelque dilligence que je sceuce faire, je neux loy de me rendre
2
en ceste ville bien que je conusse la nuict que lundy au matin comme
3
les portes ouvroyent encor que passant à Vallance, monsieur de Mestral
4
meust asseuré que lennemy fust hors de La Mure, retiré en Mens ;
5
et passant à Romans, je layssey la lettre de commission au sieur
6
de La Marcosse et luy die ayant sceu ces novelles quil ne
7
bougea sans noveau advertissement de monsieur de La Thivolière,
8
ce quil me promist faire. Tous ces messieurs mont commandé
9
de pourter les lettres quil vous a pleu escripre à monsieur le
10
marquis de La Chambre et aultres pour scavoyr leur bonne volunté
11
et à ce quilz se tiennent preparés au premier advertissement,
12
celon que locasion se presentera. Avoyr heu responce de leurdite
13
bonne volunté, je ne faudray vous en tenir adverti. Comme
14
je fuz arrivé, on me compta les particularités du baptiser du
15
filz de madamoiselle d’Allières. Monsieur de St André fust compère,
16
mesdamoyselles de La Baulme et de St André sans escrins
17
[mot barré] les commères qui nespargnèrent à ce parer, lune dune
18
robe de velours à double guène, laultre grande dune
19
de velours mochetté toute couverte de grandz pacementz
20
dargent, la cotte de satin ou taffetas mochetté de blanc
21
avec des grosses cheynes. Notre Dame du Puy ny a jamais
22
rien faict ; et fault il parler des preheferances parce
23
que madamoyselle de La Baulme, en toutes entrées et sorties
24
marchoyt première. Il eust de la rumour toutesfoys on
25
veult cela deulx comme saict si bien que en partie les dames
26
de ceste ville tiennent le parti de madame de Saint
27
André, daultres que en leur endroict elle continue dhuser
28
[310 v° ] de semblable magistration, si bien que la querelle est telement
29
enflambée quil ne se parle daultre chose et dune dame
30
qui a tant mengé descargotz que le cornnes sont sorties
31
à son mary. Lhistoyre cera mise en forme de tragique par
32
ung noveau orateur pour vous en faire ung present comme du
33
premier œuvre quil aura redigé par escript et au premier
34
jour, la vous envoyeroy. Despuys que lenemy a heu layssé
35
La Mure, les dames ont reprins le bal à qui mieulx. Monsieur
36
Du Molar gouverne tout. Madame de La Thivolière verat
37ordinairement comme on sen acomode car la filhe [barré : on ] où est
38
logé monsieur le gouverneur est propre pour cela. On dit
39
que le boys et chandelles pour la nuict ne coustent rien à
40
iceulx qui font dancer pourveu quon y mande de bonne
41
heure. Je supplie le Createur vous donner
42
monseigneur, en santé bonne vie et longue. De Grenoble, le XXIIIe
43
jour de febvrier 1574.
44
45
Monsieur de St André me demanda à mon arrivée ung pacquet de Provence.
46
Je dis que nen avoys poinct veu. Je ne scay si monsieur de La Coste
47
le sest oblié. Pour le moins, ne la je receu.
48
49
Votre très humble et très obeyssant
50
serviteur
51
Duvant.